【本報訊】香港大學有宿舍特別服務同志及跨性別學生，入住的學生有私人的洗手間和浴室，即使要穿上另一性別的服飾進行真實生活體驗，亦不會引起尷尬；該院院長張志明指，舍方會安排另一性別的同學協助，「如果男轉女咁，我哋會安排幾個信得過嘅女同學同佢傾吓心事，做佢同行者，教吓佢點買衫呀、點打扮呀、點行路咁」。
舍方補貼額外宿費
該舍的院長張志明指，任何入讀港大的新生，若表明是跨性別人士，均會獲轉介至該院。他解釋，該宿舍分本科生和研究生兩種，其中研究生宿舍一人一房，內設私人洗手間和浴室，可供同志和跨性別學生使用，「咁樣佢哋就唔使話尷尬，究竟要去邊個廁所好」。
張志明透露，每年均有收取同志學生，最多一年接收了12名公開性取向的同志學生，跨性別學生也有數人，若他們是本科生，但因性傾向或性別認同問題，選擇入住收費較高的研究生宿舍，舍方會為他們支付額外宿費。
「舉例，如果係男轉女，本身仲有男性性器官喺度，佢唔介意俾同學知，而女同學又肯接納佢，佢想住女生宿舍我哋都冇問題，不過相信唔係咁易」。
他表示，現時新建的宿舍一般是雙人房或四人房，他管理的宿舍因年代久遠，才有單人房設計，「個設施令我哋更加容易幫助呢啲學生，一般嚟講同性戀學生遇到嘅問題少啲，跨性別學生問題多啲，我哋會安排佢哋見輔導員，瑪麗醫院嗰邊嘅醫療人員都會跟進」。